"Herritarrei informazioa ematea eta gai konkretu batzuen inguruan hausnarketa egitea bilatzen dugu elkartasun hamabostaldiekin", azaldu du Ander Garde Zabaldiko kideak. Gaur hasiko dituzte XXVIII. Elkartasun Hamabostaldiko ekimenak: "Aurtengo hamabostaldiaren aurkezpena eginen dugu gaur eta erakusketa ere zabalduko dugu", esan du Gardek. Nazioarteko adituak izanen dira Zabaldin egunotan lurraren eta lurraldearen defentsaren inguruko ikuspundu desberdinak mahai gainean jartzeko. Dokumentalak, hitzaldiak eta mahai inguruak antolatu dituzte. Ander Garderi egindako elkarrizketa argazkian klik eginda entzun daiteke.
