Protesta egiteko eguna delako atera da kalera Xabier Olazabal irakaslea. "Lan baldintza onetan aritu nahi dugu. Horretarako ezinbestekoa da ratioak jaistea", adierazi du. Zenbat eta ikasle gehiago izan ikasgelan orduan eta arreta kaxkarragoa izanen dutela uste du Olazabalek.
"Irakasle ez denak ez du ikusten eskoletatik haratago dugun lana", esan du Xabier Olazabal irakasleak. Greba egiten ari da gaur "baldintza egokian" aritu nahi dutelako lanean. "Ratioen jaitsieragatik nago gaur protestan batez ere. Ikasle bakoitzak bere beharra du eta arreta egokia emateko zenbat eta ikasle gehiago gela bakoitzean orduan eta okerragoa da ematen ahal diogun laguntza", azaldu du Olazabalek. Xabier Olazabalekin egindako elkarrizketa argazkian klik eginda entzun daiteke.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
