Hortik gertu, Labrit pilotalekuan Federazioek (Nazioartekoa, Espainiarra, Nafarroa), Nafarroako Gobernuak eta Iruñeko Udalak antolatutako 22 urtez azpiko Euskal Pilota Munduko Txapelketari hasiera emanen zaio. Ohi bezala lehiaketa honetan Euskal Herria ez da egonen ordezkatua. Euskal Selekzioa aspaldiko aldarrikapena da, baina oztopoak ere oso atzetik datoz, Martin Ibarra Euskal Herriko Pilota Konferederazioko ordezkariak salatu duenez. Nazioarteko Federazioan oraindik ez da akordiorik lortu Euskal Herriko pilotariez osatutako konfederazioa onartzeko, Nafarroako Federazioan indefinizio etengabean ari dira eta Espainiako Federazioan aurkako jarrera da nagusi.
Jaurrietan egin zuten duela gutxi Euskal Herriko Pilota Selekzioaren Aldeko ekitaldi bat eta laster eginen dute beste bat Atarrabian. Bien bitartean heldu den igande honetan arrtsaldeko 16:00etatik 18:30etara pilota emanaldia eginen dute Jito Alai pilotalekuan eta komunikatu baten irakurketa labri aurrean munduko txapelketa hasi aurretik.
