"Zezenketarik gabeko sanferminetarako trantsizioa errazteko" eskatu dio Iruñea Antitaurina kolektiboak Peñen Federazioari. "Festa giroan zezenen presentzia egon behar den edo ez aztertzeko" garaia iritsi dela uste du kolektibo horrek eta ezinbestekoa dela peñen inplikazioa "jaieetan eragile esanguratsua" diren aldetik. Peñetan hausnarketa egin dezatela iradoki diete eta izan daitezela "ezinbestekoa den aldaketaren gidari". Zezenik gabeko sanferminak baino, zezenketarik gabekoak ikusten dituzte gertuago kolektiboko Iban Agerriren esanetan.
Eztabaida kalean da eta aukera galtzen utzi gabe gaia erdigunera eramateko unea dela uste du Agerrik. Horretan, Iruñeko Udalak izan beharko lukeen parte hartzeaz galdetuta adierazi du laguntza eskaini beharko lukeela eta iruindarren bozgorailu izan.
Iruñea Antitaurina kalera aterako da urtero bezala uztailaren 7an kalejira antitaurinoa egitera.
