Aterperik gabe geldituko da jendea Iruñean. Hori uste dute gizarte arloan lan egiten duten zenbait kolektibok. Neguan zabaltzen duten aterpetxearen itxierak egoerak larriagotu eginen dituela ohartarazi zuten joan den ostiralean elkarretaratze batean. Iruñeko udaletxe plazan elkartu ziren salaketa egin eta bertaratutakoen artean zopa beroa banatzeko. "Pobreenek kalean bizitzera behartuta ikusiko dute euren burua. Elikadura eta aterpe duinak eskatzen ari gara", ohartarazi du Jone Arnedo Paris 365 taldeko kideak. Iruñeko Udala plangintza osatzen ari da etxerik gabeko jendea kalean geratu ez dadin, baina ez dela nahikoa uste dute: "Administrazioarekin egin behar dituzte tramiteak asko atzeratzen ari zaizkie askori eta horrek eragiten du baliabideetara sarbidea asko atzeratzea", azaldu du. Arnedori Euskalerria Irratian egindako elkarrizketa argazkian klik eginda entzun daiteke.
