Amillubi baserria Urola ibaiaren meandro naturalean dago, Zestoa herriko Iraeta auzoan. Meandroan egoteak krisi klimatikoaren garaiotan ura eskura izatea bermatzen du eta lurraren emankortasuna indartzen du. Horregatik dira Amillubiko lurrak baratzagintzarako, frutagintzarako eta lurraren laborantzarako egokiak.
Kokapenari dagokionez, ekimenaren sustatzaileek azpimarratzen dutenez "Bai Gipuzkoako kostaldeari begira, bai barrualdeko eskualdeei begira elikagaien banaketarako bere kokapena lagungarria egiten du."
Ekimen honen lehen urratsa baserria eta lurrak eskuratzea da: "Amillubi lurrak eta baserria babestu eta eskuratzeko guztion ekarpena beharrezkoa da."
390.000 euro behar dituzte erosketarako eta baserria konpontzeko eta horretan laguntzeko deia egiten diote herritar orori. Diru ekarpenak egiteko moduen inguruko informazioa hemen.
