"Elkarlanerako bideari eutsi dio Iruñeko Udalak orain", esan du Sanduzelai auzoko Jai Batzordeko Unax Fernandezek. Festak izanen dituzte asteburuan auzoan eta azken urteotako "trabei" aurre egiten ari direla esan du. "Alkatetza berriarekin lanean segitu behar dugu oztopoak guztiz gainditzeko", gaineratu du. Kaleak hartuko dituzte erraldoiek, pailazoek, musikak, kaldereteek... eta gaur 18:30etatik aurrera jai giroa gailenduko da auzoan. "Festak ongi pasatzeko espazioak dira eta seguruak izatea ere nahi dugu. Ez dugu inolako erasorik onartuko Sanduzelain", nabarmendu du Fernandezek. Elkarrizketa egin diote Euskalerria Irratian Fernandezi eta osorik entzun daiteke argazkian klik eginda.
Azken auzolanean ari dira gaur auzoan arratsalderako dena antolatuta uzteko. "18:30etan izanen da festen hasierako ekitaldia eta 19:30etan Sanduzelaiko ikastetxeetako zuzendariek txupinazioa botako dute", azaldu Jai Batzordeko Unax Fernandezek. Entzierroak, bazkariak, Biziraun erromeria gauean, kaldereteak, pailazioak eta erraldoiak aterako dira kalera. "Atzean geratzen ari dira Udaletik azken urteotan izan ditugun trabak", jakinarazi du.
Erlazionatuak
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!