"Enpresak ez die langileei soldatarik igo nahi", jakinarazi du Olaia Alonso ELA sindikatuko ordezkariak. Aste Santuaren aurretik hiru egunez egin zituzten grebak Dornier enpresarako lanean ari diren beharginek. "Lan hitzarmen duina eta soldaten igoerak galdegiten dituzte", azaldu du Alonsok. Negoziazio mahaian aritu ziren tarte batez, baina etenda dago dena ELA sindikatuak salatu duenez. Larunbatean beste greba egun bat izanen dute Iruñean autoak aparkatzeko eremu urdina kontrolatzen duten langileek: "Protestak eta mobilizazioak ere eginen dituzte", esan du Alonsok.
