San Juan de Dios ospitaleko lan batzordea zuzendaritzarekin batzartu zen urtarrilean lan hitzarmena negoziatzeko asmoz. Lehen bileraren ondotik, baina, geldiarazita dago harreman hori lehenbizi Osasunbidearekin hitzartu nahi duelako kontzertua ospitaleko kudeatzaileak. 2022az geroztik iraungita dagoela salatu dute langileek eta eurekin mahaian esertzea galdegin diote. Soldata igoerak, lanaldi txikiagoak eta lan zama arintzea eskatzen ari dira, besteak beste.
500 langile aritzen dira San Juan de Dios ospitalean: erizainak, medikuak, zeladoreak … denek behar dute hitzarmena. Euren lan zamarik handiena Osasunbidetik eratorritakoa da; %90. Elkarretaratzea egin dute Olibeto Kondearen osasun zentroaren parean San Juan de Diosen zuzendaritzak Osasun Departamentuarekin izan duelako bertan hartu-emana. Langileak kexu dira negoziazioak eten dituelako eurekin. Berriz ere mahaian esertzea exijitu diote. Soldata igoerak, jardunaldiaren murrizketa eta lan zama txikitzea eskatzen ari dira hitzarmen berri batean jasoa geldituko dena.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!