11 eta 16 urte bitarteko ia 1400 ikaslek hartu zuten parte Nafarroako Ikastolen Federazioak eginiko ikerlan honetan. Inkesten bidez galdegin zieten haien ohituren inguruan. Emaitzetan datu interesgarriak ageri dira: famileen %23k soilik jartzen dituzte erabilera mugak; adingabeen % 85ek uste dute sareek zoriontasuna eragiten dietela; % 80k entretenitzeko erabiltzen dituzte eta % 55ek informatzeko; erdiek hiru sare sozial baino gehiago dituzte, eta WhatsApp eta Tik Tok dira erabilienak; % 80k uste du Interneten erabilera segurua dela, baina % 30ek onartzen du pasahitz bakarra erabiltzen duela; DBHn, % 30ek aurrean sakelakoa dutela bazkaltzen du, eta % 16 sareen bidez ezagututako norbaitekin geratu dela aitortu du.
Datu hauek ezagututa, Ikastolen Ferderaziotik berresten dute familia eta hezitzaileen formakuntza iraunkorra ezinbestekoa dela gazteak modu egokian hezteko.
