Tartean Teatroa taldeak ‘Kortxoaren dilema’ antzezlana emanen du ostegun honetan Gaiarre antzokian, 20:00etan. Lana Patxo Telleriak idatzi du eta bera eta Mikel Martinez dira oholtza gainean ikusiko ditugun aktoreak. Egileak “endreduzko thriller politiko” bezala definitzen du lana “komedia ukituekin”.
Protagonista 70 urteko irakasle jubilatu ezkertiarra da. Minbizia diagnostikatu diote, baina sendatzeko aukera bat sortu da ezustean. Aberats ospetsu batek osasun sistema publikoari dohaintzan eman duen erradioterapia ekipamendu bati esker tratamendua har dezake. Iritzi publikoak goraipatu egin du dohaintza eta bakan batzuk, ordea, gaitzetsi egin dute buru zuritze bat delakoan. Haien artean irakasle hau dago. Eta hor abiatzen da dilema: printzipioekiko leiala izan edo bizia salbatu. Dilema latza Patxo Telleriak Irrintzi Plaza saioan azaldu dizun bezala.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!