Aurten 92 urte beteko dituen Gaiarre antzokian beharrezkoa zen berrikuntza hau egitea eta horretara bideratu dira Iruñeko Udalaren 500.000 euroko dirulaguntza eta Next Generation funtsetik etorritako beste 120.000 euro. Fokoetako ardatzak eta eszenografietako elementuak zintzilikatzeko erabiltzen diren euskarri guztiak orain zehaztasun eta segurtasun handiagoz mugituko dira modu automatizatuan.
Ekainean hasi ziren berrikuntza lanak eta lau hilabetean lortu zuten orrazi berria eta ardatz guztiak mugituko dituzten 21 motorrak jartzea. Hauetako bakoitzak 500 kiloko zama mugi dezake gora eta behera abiadura desberdinetan. Azkarrena 0.8 m segundu bakoitzeko.
Santos Garcia Lautre Gaiarreko zuzendari teknikoa da. 30 urte daramatza hemen lanean eta orain oso pozik daudela adierazi du, orain hobeki eta segurtasun handiagoz lan egin ahal izanen dutelako.
Argazki oina: Goyo Urdanoz eta Santos Garcia Lautre, teknikari arduradunak.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!