Billabesetako gidariek ez dituzte komun duinak. Hala adierazi du berriki ohar batean autobus horietako gidarietako batek. Mikel Elizalderekin hitz egin du Euskalerria Irratiak eta hori bera berretsi du: “Covid garaian jarri zizkiguten komunek ez dute argirik, ez dira erosoak eta ez dira duinak ere”, esan du Elizaldek. Iruñerriko Mankomunitatearekin zein billabesak kudeatzen dituen enpresarekin behin baino gehiagotan batzartu badira ere ez dute lortu oraingoz aldaketarik: “Promes egin zuten aldaketak eginen zituztela eta bestelako komunak jarriko zituztela, baina halakorik ez da gertatu”. “Gizonezkoontzat ez dira batere egokiak, are emakumeentzat”, ohartarazi du Elizaldek.
Bestelako arazoak ere badituzte billabesa gidariek. Izan ere, aspalditik ari dira zahar gelditzen autobusak eta zerbitzu bakoitzen “villavesa bat edo bi” izorratzera ere iritsi dira. Segurtasun arazoak ere pairatu dituzte bereziki gauetako zerbitzuetan: “Jendeak gero eta errespetu gutxiago du eta hori nozitzen dugu guk. Garai batean ibili zen polizia zaintza lanetan. Aspaldi izan zen hori. Orain ahaztuak gaituzte”, dio.
