Abenduaren 21etik urtarrilaren 4ra auzoko lau gune desberdinetan haurrentzako hainbat emanaldi eta joko eginen dira doan, Kontalariak elkarteak antolatuta. Brif Braf Bruf jaialdiaren laugarren edizioaren nobedadeetako bat izanen da auzoa zeharkatuko duen villavesa fantastikoa.
Kontalariak elkarteko kideek azaldu duten bezala Brif Braf Bruf haur literatura eta ilustrazio jaialdia da, Gianni Rodari haur literaturako idazlearen irudian inspiratua: "Jaialdiak Fantasiaren beharra aldarrikatzen du, bizitzeko eta gure errealitatea ezagutzeko ezinbestekoa. Jaialdiaren helburu nagusia sormena eta fantasia hori sustatzea da, Txantrea auzoko plaza eta kaleetan esperientzia fantastikoen bidez, hitzarekin eta ahozkotasunarekin jolasteko."
Irrintzi Plazan Xabi Pegito, Sua Olza, Sergio Iribarren eta Belen Alvarez elkarteko kideak izan ditugu.
Programazioa hemen
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!