Ostegun honetan iritsiko da PRIMERAN plataformara 'Itxaso' telesaila. Euskaraz filmatutako thriller kutsu nabarmena duen drama hau EITBk eta K 2000k (The Mediapro Studio) ekoitzi dute, eta Donostia Zinemaldiko EITB Galan aurrestreinatu zen duela egun batzuk.
Nerea Mazo eta Aritz Kortabarria promesa gazteak eta Jon Plazaola, Itziar Atienza, Nerea Garmendia edo Jon Mendia bezalako ikus-entzunezko aktore ezagunak dira lan honetako aktore nagusiak. Amancay Gaztañaga, Sambou Diaby, Nerea Paris, Itziar Manero, Aitor Beltrán, Aitor Borobia eta Aitor Francesenak osatzen dute antzezle zerrenda. Sergio Sancho eta Daniel Terzaguiren ideia originala oinarri hartuta, María Cortések sortu du telesaila, eta Antonio Díaz Huertak zuzendu du
'Itxaso'k 17 urteko neska baten istorioa du abiapuntu. Ama hiltzean, Mexikotik Euskadiko kostaldeko herri txiki batera joan beharko du, aitarekin bizitzera. Herri horretan surf eskola baten arduraduna da, eta alabak ez du apenas ezagutzen. Aldeak alde, biek elkar ulertu egin beharko dute nahi eta nahiez.
