Coloradoko Telluride zinemaldian hartu du parte Alegriak 'Baklot' dokumentalen eta autore zinemaren sailean. Han, besteak beste, Werner Herzog zinemagilea ere izan da. Liluratuta gelditu da film honekin eta Alegriarei aitortu dio euskara miresten duela eta, nahiz eta deus ulertu ez, BECeko bertso final bat ikusi duela interneten hainbat aldiz.
Hori dena eta gehiago kontatu digu Oskar Alegriak zuzenen Telluridetik.
Beste zinemagile eta artista zenbaitek ere eman dute film berri honen inguruko haien iriztzia. Horrela, Zinzindurrunkarratz' nabarmendu du José Luis Guerínek, "harriduraz betetako mirari poetiko" gisa. Jonás Truebak esan du: "zinema handia da, berrasmatzeko modukoa, minimoarekin egina", eta Eider Rodriguezek bere "hipnosi garbia" azpimarratu du, "errailetik ateratako trenaren galga gisa".
Telluriden izan ondoren, filma Espainian estreinatuko da Valladolideko SEMINCIn, urriaren 27an. Ondoren, azaroan, Japoniako Yamagata dokumentalen nazioarteko jaialdian erakutsiko da. Filma Japoniako lehiaketan aukeratu dute, "isiltasunez eta lainoz egina egoteagatik."
