Carlos Gimeno berriro buru izanen duen Hezkuntza Departamenturako asmoak lehengo berberak direla kritikatu dute Steilas sindikatutik. Aurrekontu eskasak, lan egonkortze prozesua gehienbat PAIko lanpostuei begira prestatutakoa, euskararen zokoratzea eta bete gabe gelditu ziren Nafarroako Hezkuntza Publikoa Hobetzeko Itunaren gai nagusiak berriz ageri dira akordioan.
Raul Lopez Steilaseko ordezkariak beltz ikusten du hastear dagoen legegintzaldia: "Berriro ezarriko dira eskuineko politika pribatizatzaileak, murriztaileak eta euskarafobikoak. “Progresista” hitza eskuineko politiken mozorro bilakatu da. Beraz, ustezko gobernu “progresistaren” alde bozkatu behar da, gobernu horrek UPNren antzeko politikak gauzatzen baditu ere?"
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
