NICDO sozietate publikoak kudeatzen duen eski eta kirol jardueretarako zentroak alokagai jarri ditu oraingoz 5 bizikleta. Zerbitzu honek Izaban eta El Ferialen jasotzeko eta entregatzeko aukera ematen du, 9: 00etatik 18:00etara. Bizikleta elektrikoak egun baterako edo batzuetarako alokatu daitezke, eta alokairuak segurtasun eta konponketarako materiala eta kaskoa barne hartzen ditu.
Julen Garjon, Larra-Belagua zentroko zuzendariak azaldu digu prestatutako ibilbideek 160 kilometroko sarea osatzen dutela ibarreko zazpi herrietan barrena: Burgi, Bidangoz, Garde, Erronkari, Urzainki, Izaba eta Uztarroz.
Gainera, horietako batek (Las Golondrinas – Ainarak) Erronkariar emakumeek XX. mendearen hasieran Pirinioak zeharkatzen zituztenean Frantziako Maule herrian neguan lan egiteko egiten zuten ibilbide ezagunaren izena darama.
