Ander Eguluz Komunikazio taldeko kidea eta Uharteko bi gazte izan ditugu gurekin soalsean.
Antolatzaileek adierazi dutenez: "Aurten, diasporako bi gazte izanen dira abentura honetan: Valentziakoa (Espainia) bata eta Buenos Airesekoa (Argentina) bestea.
EHU eta Iker-eko ikerlari bana ere ari da gurekin lanean aurten. Gazteen ahoskeraren eboluzioa aztertuko dute Azler Garcíak eta Iñigo Urrestarazuk, espedizioan, aurretik eta ostean jasotako datuekin. Horiekin batera, Irati Fernandez euskara teknikariak izango du Eusko Jaurlaritzak diruz
lagundutako ikerketaren ardura urte honetan; EuskarAbenturak gazteen hizkuntza ohituretan eta hizkuntzekiko beren jarreretan duen eragina aztertu nahi du lan horrek."
Zenbait datu
Nortzuk: Errealitate linguistiko, sozial, ekonomiko eta kultural anitzekoak dira gazte parte hartzaileak. Gehiengoa bizkaitarra da, 45 gazte (% 36), gipuzkoarrak 30 dira (% 24), Nafarroatik 26 etorriko dira (% 20,8), Arabatik 12 (% 9,6), Lapurditik 5 (% 4), Behe-Nafarroatik 3 (% 2,4) eta Zuberoatik eta diasporatik bina (% 1,6). Taldearen % 57,6 emakumezkoa da (72
neska), % 41,6 gizonezkoa (52 mutil) eta generoa ez zehaztea nahiago izan duen gazte bat ere badator (% 0,8).
Nondik nora: Oraingoan, 32 herri zeharkatuko ditugu, (400 km oinez!), eta horietatik seik (beltzez markatuta) lehen aldiz ikusiko dute marea laranja! Maule, Pagola, Larzabale, DonibaneGarazi, Xabier, Irunberri, Urrotz, Iruña, Gares, Añana-Gesaltza, Argantzun, Gasteiz, Araia, Zerain,
Ataun, Tolosa, Lesaka, Urdazubi, Amaiur, Baiona, Urruña, Donostia, Getaria, Deba, Ekainberri, Lekeitio, Nabarniz, Gernika, Sukarrieta, Bermeo, Bilbo eta Getxo.
Lantaldea: Gazteekin batera, 30 lagunek osatutako lantaldea joango da: 2 koordinatzaile, 10 xerpa (begirale), 4 xerpa laguntzaile, 2 xerpa buru, 3 mediku, 2 erizain, 2 gidari, euskara teknikari ,1, 2 argazkilari, kameralari 1 eta komunikazio arduradun 1.
