Gaur ostegun arratsaldean ekimen solidario bati hasiera emanen zaio Irañeta herrian. Noelia Fundazioak Kolageno seiaren falta duten pertsonen alde lan egiten du. Gaixotasun arraroa da eta kasu gehienetan bezala oso diru gutxi bideratzen da horren ikerketarako. Giharretako distrofia eragiten duen gaitz kroniko eta sendaezina da, normalean hautzaroan diagnostikatzen dena.
Arturo Zazpe Noelia Fundazioko kidea da. Etxean 12 urteko iloba bat dute gaitz honek jota eta berak azaldu digunez ikerkuntza sustatzeko ekarpen ekonomikoak biltzeko hainbat ekimen antolatu izan dituzte fundazio honetatik. Horietako bat gaur bertan ahsiko dena: arratsaldeko 16:00etan bizikleta martxa herrikoia eginen da Irañeta eta Bidaurretaren artean. 200 parte hartzaile baino gehiago daude izena emanda eta amaieran afaria eta jai giroa izanen dute Bidaurretan. Baina ekimena ez da hemen amaituko eta 16 bat boluntariok Tarragonako Camarles herrirainoko bidea eginen dute bizikleta gainean, han baitu fundazio honek egoitza Nagusia. Igandean iristiko dira hora eta Arturo Zazpek esan digun bezala jende guztia dago gonbidatua haren ekarpen solidarioa egitera.
