Marta Fábregas Alciturri psikologoa eta yoga irakaslea da lan honen egilea. Ilustrazioak Elena Fábregas Alciturrirenak dira eta euskarazko itzulpena Julene Sagarna Mezorena. Irrintzi Plazan Ainhoa Eraso, ipuin honi ahotsa jarri dionarekin mintzatu gara.
Sinopsia
Egun bateko kanpaldiaren ondoren, Noa urtxintxak ezin du lorik hartu. Lau lagun minei laguntza eskatu die. Horiek entzun egin diote, eta loaldi atsegina izateko dituzten trikimailuak azaldu dizkiote. Aholkuei jarraituz, pausoz pauso erlaxatzen ikasiko du, lo sakonean barneratu arte.
Balioak
Ipuin honek sentiberatasuna eta enpatia transmititzen ditu, behar duenari emozioak kudeatzen laguntzeko. Esker ona eta zintzotasuna ere landuko ditu, laguntza eskatzen eta hartzen ikasteko. Gainera, QR kode bat du egileak gidatutako bertsio praktikoarekin, pausoz pauso erlaxazioaren onurekin konektatzen laguntzeko.