Burlatako Axular Elkartea kultur astea ari da ospatzen egunotan. Ostegunean Drag ekitaldia izanen dute Albina Stardust eta Divina Comediarekin, ostiralean musika saioak Sol Sostenido eta Lilo taldearekin eta larunbatean egun nagusia: jai giroa, zikiro jatea, Biziraun taldearen emanaldia eta Ekilore sari ematea.
1985ean sortu zen Axular Elkartea. Burlatako harrizko etxe eder batean dute egoitza, Ermita kalean, eta egun 150 bazkide biltzen ditu. Urtean zehar hainbat ekitaldi antolatzen dute: Historiari buruzko saioak Aitor Peskador historialariarekin, dantza taldearen saioak, haurrentzako tailerrak asteazkenetan eta aldizkariaren argitalpena, besteak beste.
Igone Ezkurrak eman digu haien jardueren eta Kultura Astearen berri Irrintzi Plaza saioan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
