Duela 40 bat urte euskararen alde hasitako lanaren lekukoa hartu dute orain gazteek eta Hazi elkartea eratu dute. Urtean zehar hainbat ekitaldi antolatzen dute, Olentzeroren festa esate baterako. Joan den abendukoa 32. Edizioa izan zen. Orain berriki Agerraldia mugimenduarekin batera jolasteka zabaldu dute haurrentzat eta hogei neska-mutil baino gehiago joaten dira bi astean behin.
Larunbatean euskararen eguna musika eta dantzaz abiatuko da. Bertan Zarrakazteluko gaita jotzaileak, herriko abesbatza, eskolako haurrak eta Emakumeen Elkarteko Dantza Taldea arituko dira. Ondoren bazkaria, 300 bat bazkaltiarrekin eta arratsaldean puzgarriak, esku pilota txapelketa handia eta Trikiteens taldearen emanaldia izanen dira.
