Dagoeneko lehen eztabaida izan dute Iruñeko alkatetzarako hautagai guztiek Erripagainari buruzko haien proposamenak eta ikuspuntuak ekarri zituzten mahai gainera zituzten, auzoko bizilagunek sustatutako eztabaidan.
Auzokideen plataformako kide, Alberto Errea izan dugu Iruñerrian Goizetik. Atzokoan egin bezala, aurreko astean Burlatako hautagaiekin egin zuten mahai ingurua.
Herritarrek haien kexak helarazi zizkieten UPN, EH Bildu, PSN, Geroa Bai, PP, Ciudadanos eta Zurekin plataformako zerrendaburuei. Berriro ere aldarrikatu zuten, zerbitzu eta azpiegitura publikoak beharrezkoak direla, etxebizitza gehiago eraiki aurretik. Auzoaren kudeaketa eredua izan zen mintzagai nagusietako bat.
Politikarien aldetik promesa gehienak osasun etxea eta lau udalerritan banatzen den auzoaren estatusaren ingurukoak izan ziren, batzuek zein besteek egoeraren erantzukizuna onartzeari uko egin ziotelarik. Hurrengo buletinean izanen dugu auzotarrekin hitz egiteko aukera.
