Ignazio Iturrarte da Goldeberg enpresako arduraduna eta berak azaldu digu Irrintzi Plazan zein den ekimen honen arrazoia.
50 kidek osatzen dute Kieveko Balleta. Goi mailako artista eta profesionalak dira baina gerra hasi zenetik oso zaila dute haien lanarekin jarraitzea. Horregatik bira honek balio du UNICEFi diru laguntza bideratzeko eta baita profesional hauen bizimodua posible egiteko ere.
Bira honekin 100 emanaldi baino gehiago egiteko asmoa dute sei hilabetez, uztailetik aurrera.
Hemen Iruñean Urriaren 25ean egonen dira Gayarre Antzokian, Beltxargen Aintzira lana eskaintzeko, Txaikovskik konposatutako musikarekin.