Bi urtean behin egiten den bilkura honen 16. edizioa da eta “Bizitzeko modu bat” da aurtengo leloa. Hitzaldi, gogoeta eta ekitaldi politikoez gain musika ere izanen da nagusi. Zetak, Su ta Gar, Merina Gris, Brigade Loco, Olaia Inziarte eta Los Chikos del Maiz, besteak beste, egonen dira bertan.
Aurtengo edizioa berezia izanen da aurrekoa ezin zelako ohiko moduan ospatu pandemia dela eta, eta , bestalde, Ernaik bere hamargarren urteurrena ospatuko duelako bertan.
Aurtengo leloa da “Bizitzeko modu bat” eta Ane Alava, Ernaiko kideak azaldu digu Metropoli Forala saioan zein den mezua.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
