Erle-kide Ilundaingo Haritz Berri baserri eskolaren proiektu berria da. Erleen ekarpenari balioa emanez bioaniztasuna babestea da ekimen honen helburua. Horretarako erlauntza bat babesean hartzeko aukera eman nahi diete herritarrei: 60 euro ordainduta erlauntza bati izena eman ahal izanen diote eta kilo erdiko bi pote ezti eta propolia pote bat jasoko dute. Gainera Errenta aitorpena egitean dohaintzaren %80a itzuliko diete.
Haritz Berrin 50 erlauntza dituzte eta urtero 1000 kilo ezti ekoizten dute. Erleak oso garrantzitsuak dira bioaniztasunerako, baina gaur egun etsai asko dute Haritz Berriko Mikel Lasartek Irrintzi Plazan adierazi digun bezala.
Erle-kide guztientzako topaketa eta bisita berezia ari dira prestatzen ekainaren 5erako Haritz Berri baserri eskolan.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.