Irulegiko eskua

Juantxo Agirre (Aranzadi): “Iraultza historiografiko bat da"

Aparteko aurkikuntza izan da Aranzadi Zientzia Elkartearentzat Irulegikoa. Lana ez dute amaitu, eta antzeko gehiago topatuko dituztela uste dute.

“Hogei urte eman ditugu Nafarroan arkeologia egiten. Euskararen sorlekua dugu Nafarroa, eta lur azpian aurkitu dugu idatzizko euskararen sorreratik lehenengo hitzak. Poz handia daukagu”, adierazi dio Euskalerria Irratiari Juantxo Agirre elkarteko kideak.