Uztailaren 26a arte eragileek aukera dute Nafarroako Gobernuaren administrazio publikoetan sartzeko eta bertako lanpostuak betetzeko merezimenduen balorazioa arautzeko dekretuari azken ekarpenak egiteko. Kontseiluak eta Behatokiak salatu dute Gobernuak ez duela egiturazko aldaketarik egin eta dekretuak herritarren eskubideen urraketa betikotuko duela, eta sasoi honetan testua argitaratuta argi dagoela gobernuak ez duela euskarari buruz eztabaidarik onartuko.
Modu honetan beraz, Kontseilua eta Behatokiaren arabera ez die Txibiteren Exekutiboak inongo jaramonik egin herritarrek eginiko 1.700 ekarpen baino gehiagori.
Hilak 26ª arte ekarpenak egiteko tartea egon arren itxaropen gutxi ditu Hizkuntza Eskubideen behatokiko zuzendariak.
