Iosune de Goñi burlartarrak euskarazko bere lehen poesia liburua argitaratu berri du: ‘Gorputz baten azternak elurretan’, Pasaia Hiria Literatur saria hartu zuena. Oihane Garmendiak ere sari garrantzitsua hartu zuen duela bi urte: Iruña Hiria Poesia saria eta ‘Bidaia (h)ariketak’ izeneko liburuaren egilea da.
'Kontraespazioak' izeneko erakusketa honetan dauden poemak, aldiz, berri berriak dira, honetarako propio prestatutakoak. Oihane Garmendiari galdetu diogu, besteak beste, nola etorri zitzaizkion burura leihoen ideiekin lotutako olerki hauek.
Eta erakusketa bisitatzeaz gain, egileekin ere solas egiteko aukera izanen dugu bihar larunbatez, arratsaldeko 18:00etatik aurrera egin den errezitaldi berezian. Walden liburu dendan, Paulino Caballeron, badugu hitzordua asteburu honetan, beraz, poesia eta ilustrazioarekin.
