Aranjuezeko espetxetik atera dute Izadi. Atzo atera zuten, haren urtebetetze egunean. Jendetza bildu zen Algortan Izadiren egoera salatzeko, han biziko baita aurrerantzean, hirugarren graduan kalean den Iñigo Gutierrez aitarekin.
Maria Lizarraga Burlatako presoa, berriz, Aranjuezeko espetxean gelditu da, noiz euskal herriratuko duten zain. Eusko Jaurlaritzak jakinarazi du Arabako Zaballara lekualdatuko dutela; noiz, ordea, ez daki plataformak.
Azken bi urteetan aldaketa oso bortitzak bizi izan ditu Izadik, plataformak salatu duenez. Pandemiaren eraginez, urtebete eta erdi egon da kartzelatik ezin atera. Egokitzapenik, beraz, ez du ia izan. Orain kalean dela, ama ikusteko aukerarik izanen duen ere ez daki, kartzela gehienetan aurrez aurreko bisitak etenda daudelako.