Arnaitz Fernandez meteorologoak jaso du Gazte Nafarraren saria

Nafarroako Gazteriaren Institutuak ematen duen Gazte Nafarraren saria aurten 25 urteko fisikari txatrearrari eman diote sare sozialen bidez egiten duen zientzia dibulgazioagatik eta Espainiako Telebistan albistegietako eguraldiaren tartean egiten duen lanarengatik.

Arnaitz Fernandezek 15.000 jarraitzaile ditu Twitterren eta, honetaz gain, hainbat komunikabidetan kolaborazioan egiten ditu, Euskalerria Irrati honetan, besteak bete.

Pozik hartu du saria eta bozgorailu hau baliatu nahi izan du gazteei mezu bat bidaltzeko: gustuko duten hori ikasi eta landu behar dute. 

Ekainaz geroztik Espainiako Telebistako “eguraldi mutila” da Arnaitz. Harro eta pozik hartu zuen talde horretako partaide izateko proposamena.

Honetaz gain beste bi sari banatu ditu Gazteriaren Institutuak:

Gizarte Partaidetzaren Saria Bianako Gazte Berri kolektiboarentzat izan da eta erakundeena San Martin Unxeko udalarentzat, bertako gazteen artean enplegua sustatzeko egiten duen ahaleginarengatik. Aurtengo edizioan aipamen berezia egin diote Aralar elkarteari, 25 urte daramazkielako ludopatiak pairatzen duten pertsona eta familiei laguntza ematen.