Proposamenak kulturen arteko testuinguruetan elkarrekin sormenez eraikitzeko esku-hartze bat proposatzen du, migratzaileen eta tokiko pertsonen artean komuna dena bilatzera bideratua, topaketa sortzeko. Marta Elia artistak garatu du proiektu artistikoa.
Antartika Kultur Containerrek Covid – 19ak sortutako kalteberatasun-egoerak erreferentziatzat hartzen zituzten proiektuak bilatu ditu. Migrazio-doluko eta familia berrelkartzeko prozesuetan laguntzeko zerbitzu espezializatua da Sei elkartea. Maite Ziganda koordinatzaileak azaldu duenez, migratzen duten pertsonek asko dakite dolu, tristura, bakardade sentimenduei buruz; beraz, ederki lotu zaio proposamena proiektua.
12.000 euroko diru-laguntza jasoko dute urtean zehar proiektua garatzeko. Urtarrila eta otsaila bitartean eginen dute Ustakabeko topaketa, unea iristen denean aurreiritziekin apurtzeko eta ikasteko parte hartzera deitu dituzte herritarrak.
