Neurriak aurrera ateratzeko presio tresna da Espainiako Senatua Geroa Baiko senatariaren ustez. Hala, nafarrentzat baliogarri izanen diren kartzelen edota osasun psikologikoaren alorrean egindakoak azpimarratu ditu. Bidea, baina, ez da erraza izan legegintzaldi erdi honetan. Goi ganbera “liskar-toki” bat bilakatu dela uste du, eta horrek jarduna galarazi duela: “Alderdi sozialistak besteen babesa behar du, baina zoritxarrez alderdia ez da fidagarriegia. Eta momentu honetan adostasunak behar dira”. Behin gobernua eratuta, hurrengo hauteskundeetan pentsatzearen kalteaz ohartarazi du Martinezek.
Espainiako Gobernuak egin duen erreforma izan da Senatuan izan den azken aldaketetako bat. PP proposatutako ile-apaindegietako beza jaistearen inguruko senatuaren adostasuna bertan behera utzi ostean, izendatu du Espainiak ministro ganberako presidentea zen Pilar Llop. PSOEk Ander Gil proposatu zuen orduan; eta presidentearen erabakiarekin kexu, Gilen aurka bozkatzear izan da Geroa Bai. PSOErekin bildu eta adostasun konkretu zenbait lortu ondoren baiezko botoa eman dio. “Ikusiko dugu betetzen dituzten, horrek baldintzatuko gure botoa legealdian zehar”, zehaztu du.
