2016tik, udaro mugako hainbat gune zeharkatzen ditu Mugak Zabalduz karabanak, eta aurten migrazioaren egoera orokorra salatzea ez ezik, Kanarietan dagoen egoera ezagutu eta uharte horietan migrante eta errefuxiatuekin lan egiten duten erakunde eta pertsonekin "sareak" sortzea dute helburu. Orain artekoa aberasgarria izaten ari da oso bertaratu diren nafarrentzat. Hala azaldu digu Saioa Lekunberrik.
Kanaria Handiko La Isletan hasi zen karabana, eta uztailaren 24a arte hainbat ekintza eta protesta egin dituzte uharteetan. Tenerifen daude orain eta bihar amaituko da karabana, eta ondoren ikasten eta ikusten ari direna Nafarroara ekarriko dute 27 ekintzaileek.