KPIaren araberako urteroko eguneraketa. Hori da erreformaren lehen zatiaren hitzarmeneak ekarriko duen alderdirik onena, pentsiodunen ustez. Bost urtean behin aztertuko da, baina; eta horrek ez du bermerik eskaintzen. Kritikak arintzeko emate txiki bat izan da, Sasoia elkarteko Patxi Urrutiaren aburuz. Kezkatuta jarraitzen dute pentsiodunek. Aldaketak ez ditu gutxieneko pentsioak izendatu, eta "oso larritzat" jo dute hori.
Haien ustez pentsio plan pribatuak sustatzeko helburua du erreformak eta gezurretan oinarrituta dago.
Nafarroan gehigarri bat ezarriko zaie pentsioei minimo batera heltzeko. Hala sinatu zuen gobernuak, EH Bildurekin aurrekontuak adostean. Oraindik, baina, ez du halakorik egin eta horri bidea ixten dion akordioa egin du Espainiarekin. Pentsiodunekin negoziaziorik ez dela eman salatu du Urrutiak.
Pentsio duinak erdiesteko lanean jarraituko dute pentsiodunek. Abuztuan berrekingo diete protesteei Sasoia elkartekoek; baina azken ohartarazpen bat gehitu du: ikasleak, gazteak eta langileak jarri behar dira pentsioen borrokaren lehen lerroan.