“Chucherias Herodes” da idazle txantearraren lan berriaren izena eta “Tratado de Hortografía aurreko lanaren jarraipena da. Protagonista rock eta punkzale amorratua da, (Los tampones, talde mitikoaren abeslaria izandakoa). Orain urteak pasatakoan, aita familiakoa da, bi seme alaba neraberen aita, horrek dakarren guztiarekin eta, gainera, prekaritate ekonomiko amaigabean bizi da.
Patxi Irurzunen lan berri hau, aurrekoa bezala, belaunaldi oso baten erretratua da, gazia eta gozoa. Mikatza eta dibertigarria, aldi berean egileak berak azpimarratzen duen bezala.
Lan honetan egileak QR kode batzuk tartekatu ditu orrialdeetan, irakurleari hainbat kantu, bideo eta idazkietara salto egiteko aukera emanez. Gainera liburu honek bonus track moduko bat du: hiru ipuin, kontakizuna osatzeko.
"Chucherias Herodes, Jamerdana hiriaren gida turistikoa" izeneko lan berri honen aurkezpen publikoa eginen du Patxi Irurzunek Liburu azokan astelehenean, arratsaldeko 18:30ean.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.
Bazkidetu zaitez!