Komunitatearen sostengua da Goienerren proposamena pobrezia energetikoaren aurka

Euskalerria Irratia 2021ko mai. 3a, 19:46

Goiener Energia kooperatiba buru belarri ari da lanean Powerpoor izeneko proiektu eropearrean, pobrezia energetikoa sufritzen duten pertsonei laguntza emateko. Honetaz eta, oro har, gai honen inguruan taldea aurrera eramaten ari den ekimenen berri eman digu Aitor Ossak

Europar Batasuneko zortzi herrialdetan garatzen ari den Powerpoor proiektu honetan energia-baliabide urriak dituzten 22.000 familia baino gehiagori laguntza eta informazioa ematea eta herritarren parte-hartzea sustatzea dira helburu nagusiak.

Goienerrek bere ezagutzak eta prozesu kooperatibo eta kolektiboetan duen esperientzia jarriko du ekimen honetan eta baita pobrezia energetikoaren arloan duen esperientzia ere. Arazo handi honi aurre egiteko, komunitatearen sostengua proposatzen du Goienerrek. Aitor Ossa euskal kooperatiba honetako kidea da: eta Irrintzi Plaza saioan hitz egin digu proeiktuaz.

Modu berean Goiener Sozial programaren barruan, kooperatiba hau tarifa sozial propioak garatzeko lanean ari da. Hau da, norberaren diru sarreren araberako tarifak ezarri nahi ditu, energia pobrezia ekiditeko. Zerbitzu guztiz berria energiaren merkatuan, oraindik, esan bezala, diseinu fasean dagoena, baina oso interesgarria izan daitekeena, zalantzarik gabe.  

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!