Martxoaren 10ean, 19:00etan eginen da lan hauen aurkezpena Katakraken.
Koldo Biguri da 'Zeta' liburuaren itzultzailea, Arantzazu Royo eta Xabier Olarra 'Jakobian eraikina' lanarena eta Fernando Rey 'Familiako Lexikoa' liburuarena.
Oraingo honetan, gainera, liburuek azal bereziak izanen dituzte, Igelak bertako ilustratzaile gazteei eskatu baitie azalak sortzeko. Danel Agirre zarauztarra eta Oier Zuñiga eta Miren Asian iruindarrak dira lan hauek ilustratu dituztenak.
Lander Majuelo Igela argitaletxeko zuzendari berria, Fernando Rey itzultzailea eta Oier Zuñiga eta Miren asiain ilustratzaileen gogoetak aditu ditugu Irrintzi Plaza saioan.
