Iruñea, Tutera, Lasarte-Oria, Sodupe, Plentzia, Zornotza, Bilbo, Donibane Lohizune eta Urepel. Euskal Herriko txoko ezberdinetakoak dira esperimentuan parte hartuko duten gazteak, hain zuzen, eremu geografiko bakoitzeko errealitate soziolinguistikoan haietako bakoitza nola moldatzen den aztertzeko. Iruñeko Arrotxapea auzoko Begoña Garaikoetxea eta tuterako Miren Balmasera dira erronka betetzen saiatuko diren nafarrak.
Ekimenak euskararen erabilera determinatzen duten faktoreak identifikatzea eta ikustaraztea du helburu. Oztopoak aurkituko dituztela jakin badakite. Dena den, arnasguneak ere azpimarratu nahi dituzte eta gazteek euskaraz bizitzeko hautua egitea ere bultzatu nahi dute.
Gaztealdia izena bilatuta Twitter, Instagram eta Facebook sare sozialetan izanen da bederatzi gazteen egunerokoa ezagutzeko aukera.