Koronabirusaren krisiak pobrezia egoeran bizi direnengan zer nolako eragina izan duen jakiteko argazkia osatudu Pobreziaren eta Gizarte Bazterketaren Kontrako Nafarroako Sareak. Jaione Eugui komunikazio teknikariak Irrintzi Plazan azaldu duenez, krisi honetan ere okerren daudenak izan dira kaltetuenak. Hiru alor azpimarratu ditu: enplegua, etxebizitza eta hezkuntza. Krisiaren ondorioak leuntzeko beharrezko neurriak eskatzeko bi bilera egin ditu sareak Nafarroako Gobernuarekin.
Gaur kanpaina berria jarri du martxan sareak Nafarroako Gizarte Erakundeen Plataforma osatzen duten beste hiru erakundeekin eta Gurutze Gorriarekin batera: Orain, txalotu egingo zaitugu. Errenta aitorpenari buruzko kanpaina da, eta nafar herritarrak animatu dituzte “gizarte xedeetarako” laukia aukeratzera. "Gauza txikia da, baina erakundeentzako laguntza handia da", azaldu du Euguik.