Lan erregulazio espedientea eskatu du Totemek, egoerari aurre egiteko. Etorkizuna "beltz" ikusten baitute: "Ez nago batere positibo, egindako lana berriz egin beharko dugula ikusten dugu".
"Zoritxarrez nahiko lasai gabiltza egunotan". Hitz horiekin laburtu du Isiegasek itxialdia. "Lana egina dugu, eta zain gaude zein neurri hartu behar ditugun jakiteko. Orain arte entzun duguna ez da egingarria, guk ezin dugu ireki baldintza horiekin eta taldeek ezin dute baldintza horiekin jo". Espainiako Gobernuak iragarritako itxialdiaren arintzearen azken fasean izanen lukete kontzertu aretoek irekitzeko aukera, beti ere, edukiera herenera murriztuz. "Gutxieneko aurreikuspen bat behar dugu, zeibat diru eskatu behar dugun edo zein epeetan mugituko garen jakiteko, bestela gu bezalako areto askok itxiko dute. Desastre bat izanen da".
