Koronabirusaren egunerokoa

Samuel Ziaurriz: "Langile arrazializatuak dira birusa gertuen dutenak AEBetan, lan baldintza okerrenak dituztenak"

New Yorken (AEBak) itxialdia Euskal Herrian baino lausoagoa da, eta paseoan ateratzeko aukera dute herritarrek. Kaletik aritu da gaur Irrintzi Plaza saioan solasean Samuel Ziaurriz. "Oso giro arraroa dago kalean", aitortu du.

15.000 pertsona baino gehiago hil dira koronabirusarekin AEBetako New Yorken. Igande goizaldea dela ematen du etengabe, oso jende gutxi dabil kalean, nahiz eta kanpora ateratzeko aukera duten. Itxialdiaren aurkako protestak puntualak direla azaldu du Irrintzi Plaza saioan; baina, haren ustez, "morboagatik" zabaldu dela berria.