Etxeko semeek larrialdia eta itxialdia ulertzeko eta barneratzeko erakutsi duten gaitasuna nabarmendu du Atxukarrok Irrintzi Plaza saioan. "Ez dakizu zer nolako lekzioa eman diguten haurrek", adierazi du. Astelehenetik aurrera kalera ateratzeko baimena edukiko dute haurrek, eta hori iristeko irrikan daude Atxukarroren etxean. "Baina ongi ari gara eramaten itxialdia", gaineratu du.
Iruñerriko Mankomunitateko komunikazio alorreko kazetaria da Atxukarro. Konfinamenduan etenik ez da izan mankomunitatean, eta komunikatzeko gai asko dituzte egunotan eskuartean, garraio publikoa, hondakinen kudeaketa eta uraren erabileraren inguruan.
