Herriak salbatuko du herria

Baserriberri jatetxeak beharra dutenei emanen die soberan duen janaria

Euskalerria Irratia 2020ko mar. 16a, 17:07

Elkartasun keinuak zabaltzen ari dira egunotan. Baserriberi jatetxea ere batu da horretara. Konfinamenduak eragin dien kalteaz ere mintzatu da Luken Vigo sukaldari eta jabea Irrintzi Plazan.

Larunbatean itxi zituen ateak Baserriberri jatetxeak. Pintxoaren astea iristear dela iritsi da konfinamendua, eta horrek eragin ekonomiko larria eragingo diela azpimarratu du Irrintzi Plazan Luken Vigo jabeak. “Enpresa txikia da hau baina hamabost familia gara, lanean ari gara langileentzako ahalik eta irtenbiderik onena bilatzeko”.

Asteburuan gertatu da, eta hozkailua beteta harrapatu ditu. Dena den, janaria aprobetxatzeko eta galtzen ez uzteko eman eginen ditu Baserriberrik. Osasun neurriak ahalik eta gehien errespetatuz beharrezkoa duten erakunde edo familiei emango die. Jatetxearen Facebook orriaren bitartez eskatu daiteke janaria, behar izatekotan.

EUSKALERRIA IRRATIAzale hori:

FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.

Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.

Izan ere, zenbat eta komunitate handiagoa, orduan eta proiektu komunikatibo eraginkorragoa.


Bazkidetu zaitez!