Biogalaxy: Marten landareak erein nahi dituen gazte taldea

Biologia sintetikoa ardatz, landareak eraldatzen ari dira Mutiloako Agrobioteknologia Insitutuko laborategian. iGEM lehiaketan aurkeztuko dute proiektua, Bostonen.

Bigarren hezkuntzako zortzi gaztek osatzen dute Biogalaxy 2019 taldea. Mutiloako Agrobioteknologia Insitutuko laborategian eman dute uda, biologia sintetikoa erabiliz landareak eraldatzen. Martera bidali nahi dituzte.

STEM Planeta hezikidetza programak sustatu du taldea, eta urria amaieran Bostonera eramateko asmoa dute. iGEM lehiaketan hartuko dute parte, mundu osoko beste 300 talderekin batera. Laborategian sartu gara egiten ari diren lana gertutik ezagutzeko. Julen Casulleras, Aitor Perez eta Saioa Ganuza gazteek hartu gaituzte.