Gerra giroa eta militarizazioaren gorakada nazioarteko eztabaidaren erdigunean daude. Horri buruz hausnartzeko, «Militarismoa, NATO eta gerrak» jardunaldiak egingo dituzte urriaren 27tik 29ra Katakraken. Sabino Cuadra jardunaldien antolatzailearekin hitz egin dugu, hiru saioen helburuak eta landuko dituzten gaiak ezagutzeko.
Lehenengo egunean, gastu militarren gorakada eta armagintzaren garapena izango dituzte hizpide; bigarrenean, NATOren bilakaera eta Espainiako Estatuak erakunde horretan egin dituen 40 urteak. Azken saioan, berriz, gerrak emakumeen ikuspegitik aztertuko dituzte eta genozdioei erreparatuko diete.
Cuadrak azaldu duenez, jardunaldien asmoa gai horiek eguneroko errealitatearekin lotzea da eta eztabaidarako eta parte-hartzerako gune bat sortzea. Horregatik, entzuleak hausnartzera eta solasaldietan parte hartzera gonbidatu ditu.