Tamalez, aurten ere eraso sexistak gertatu dira sanferminetan. Nolanahi ere Iruñeko Berdintasun ataleko zinegotziari egin diogun elkarrizketan zera nabarmendu du: “eraso sexisten aurkako borroka gizarte osoaren ardura da, ez soilik emakumeona". Zaloa Basabek azpimarratu nahi izan du 2026. urtea berezia izaten ari dela: 2008. urtean Nagore Lafagge erahil zuten jaietan eta La Manadako kideek emakume gazte bat bortizki bortxatu zutela hamar urte bete dira.
“Aurretik gertatutako erasoak gogora ekartzen ditugu eta lehenengo egunak nahiko konplikatuak izaten dira”, hala esan digu Zaloa Basabek. Indarkeria matxistaren aurkako prebentzioaz aritu da zinegotzia. Haren esanetan, “eraso sexistarik gabeko jaiak lortzeko bide luzea dago egiteko. Azken urteetan gizartea jabetu da arazoaren larritasunaz eta orain, laster identifikatzen dira erasoak eta elkartasun handia dago”.
EUSKALERRIA IRRATIAzale hori:
FM 98.3ko zein euskalerriairratia.eus webguneko edukiak musu truk entzun, irakur eta ikus ditzakezu.
Zuretzako eskari bat dugu: posible baduzu, lagun gaitzazu gero eta eduki gehiago eta hobeak sortzen, Iruñerriko euskaldun ororen eskura jartzeko.
Izan ere, zenbat eta komunitate handiagoa, orduan eta proiektu komunikatibo eraginkorragoa.