Sanferminetako hirugarren entzierroa korritu dute Victoriano del Rio Cortes ganadutegiko zezenek. Bi minutu eta hogeita bi segundu behar izan dituzte ibilbidea osatzeko: azkarra eta arriskutsua izan da. Jende pilaketak izan dira Estafetan barna eta Telefonikako inguruan zein zezen plazara iristeko azken metroetan ere korrikalari andana batu da. Hor izan da eguneko adarkatua: besoan du zauria Estatu Batuetako 25 urteko gazteak. Gainerakoan, hamaika zauritu ere izan dira eroriko eta kolpeengatik, horietatik zazpi ospitalera bideratu dituzte. Haritz Pascual kazetariak egin du entzierroaren ondorengo kontakizuna. Argazkian klik eginda entzun daiteke.