Sanferminak ate joka ditugu, eta Iruñea prest dago urteko aste berezienetako bati hasiera emateko. Jaiak eta peñak komunitatearen, musikaren eta giro onaren sinonimo dira. Baina baita errespetuan, elkarbizitzan eta arduran oinarritu behar diren espazioak izan behar dira. Honen harira, Rakel Arjol Etxeberria lehendakariak azaldu duenez, peñek indarkeria matxista urte osoan lantzen dute gaia da, eta sanferminetan ere prest egongo dira edozein eraso sexistaren aurrean erantzuteko.
Aurten, gainera, Iruñeko Udalak mugimendu feministarekin adostutako protokolo bateratua berreskuratu du. Horren barruan, peñetako kideek formakuntza jaso dute, indarkeria matxistaren aurrean nola jokatu jakiteko eta emakumearen arreta lehenesteko.
Arjolek nabarmendu du sanferminetan gero eta bisitari gehiago biltzen diren arren, jaien izaera herrikoia zaintzea ezinbestekoa dela. Horregatik, peñek beren egitarau propioa mantentzen dute, tokiko taldeei eta euskarazko eskaintzari lehentasuna emanez.